ሳይነስ

ሳይነስ የምንላቸው በአየር የተሞሉ ክፍተቶች በፊት ላይ ይገኛሉ። የጭንቅላትን ክብደት መቀነስ፣ አየርን ማሞቅ እና ድምጽን ማስተካከልን የመሰሉ ስራዎች ያላቸው ሲሆን፤ እነዚህ አካላት በኢንፌክሽን ሲጠቁ ያለውን በሽታ ነው ሳየነስ ብለን የምንጠራው። ሳይነስ በባክቴሪያ ፣ ቫይረስ እንዲሁም አለርጂ ሊፈጠር ይችላል። በልምድ ሳይነስ የምንለው ግን አለርጂክ ሳይነሳይተስን ነው።

1. ምንድነው በልጅነት ጊዜ በአብዛኛው የሚከሰት እና አቧራ እና የአበባ እርጋፊ የመሳሰሉት ቡናኙች የሚወሰቅሱት ህመም ነው። በዘር የመጋለጥ እድሉ ከፍ ያለ ሲሆን በአዋቂነት እድሜም የመከሰት እድል አለው።
2. ምልክቶቹ

• የበዛ እና ውሃማ የሆነ ንፍጥ መፍሰስ
• የአይን እና አፍንጫ ማሳከክ
• ራስ ምታት(በተለይ ግንባር አካባቢ)
• የራስ መክበድ
• የፊት መቅላት እና ማበጥ

3. ምርመራው አለርጂክ ሳይነስ በበሽተኛ ምልክት ላይ ተመስርቶ የሚታወቅ በሽታ ቢሆንም ሌሎች ህመሞች ከተጠረጠሩ በሃኪሞ እንደ ሲቲ ስካን ያለ ምርመራ ሊታዘዝ ይችላል
4. ህክምናው

• በአፍንጫ የሚነፋ መድሃኒት(ሳላይን ስፕሬይ)
• ውሃ ማፍላት እና እንፋሎቱን መታጠን
• የአፍንጫ መታፈንን የሚቀንሱ እንደ - cetirizine , loratide ያሉ መድሃኒቶች
• የሚቀሰቅሰውን ነገር መለየት እና መራቅ

1. ምንድነው በተለያዩ ባክቴሪያዎች የሚከሰት ህመም ነው።እነዚህ ባክቴሪያዎች በብዛት እዛው አፍንጫ አካባቢ በተፈጥሮ የሚገኙ ናቸው።
2. አጋላጭ ሁኔታዎች

• የአፍንጫ መዘጋት
• አለርጂ
• በተበከለ የውሃ አካል መዋኘት
• የጥርስ ህመም
• እንደ ኮኬይን ያሉ አደንዛሽ እጾች (በአፍንጫ ሚሳቡ)

3. ምልክቶቹ

• ፊት እና ራስ ማመም
• ትኩሳት
• ቢጫ ንፍጥ
• የማሽተት አቅም መቀነስ
• ሳል

4. ምርመራው በበሽተኛ ምልክት ስለሚታወቅ በብዛት የተለየ ምርመራ አይደረግም
5. ህክምናው አንቲባዩቲክ የህመም ማስታገሻ