Dhukkuba garaachaa

Dhukkuba garaachaa kan jedhamu keessoo garaachaa haguugee kan argamu ‘gastric mucosa ‘n yommuu quunca’u ykn madaa’uu dha.

Uumamaan garaachi namaa asiidii ‘Hydrochloric acid,HCL’ maddisiisa. Asiidiin kun bulla’ina pirootinii fi baakteeriyaa nyaata waliin garaa seene ajjeesuuf faayida qabu. Garaacha sababa adda addaatiin mada’een yoo wal argate asiidiin kun dhukkubicha gara sadarkaa ol aanuutti ol guddisa.

Dhibeen garaacha sababa garaagaraatin uumamuu ni danda'a. Isaan keessaas:

• Gariin namaa baakteeriyaa ‘Helikobakter paaylori’ jedhamuun kan uumamudha.
• Qoricha dhukkubi qaamaa hir’isuuf kennamu (pain killer) gosaan ‘NSAID’ jedhamanii beekaman kan akka ‘Ibuprofen, Asprin, Diclofenac’ baay’inaan fayyadamuu.
• Qoricha akka kookeenii fudhachuu.
• Alkoolii baay’isuu
• Tamboo xuuxuu
• Dhukkuba cimaa, balaa sammuu irra gahe yookaan balaa abidda.
• Nyaata summa’e soorachuun ..
• Nama rakkoo Hadhooftuu qabu.
• Cinqii (yaadaan dhiphachuu)
• Nyaata ashaboon itti baay’ate fudhachuu

• Gubaa laphee
• Hoqii (Nausea & Vomiting) - dhiiga yoo makate sadarkaa hamaarra gahuu isaa agarsiisa, Battalati mana yaalaa deemuun barbaachisaadha.
• Foolii nyaataa nama jibbisiisuu
• Fedhii nyaataa dhabuu
• Nyaata booda garaa nama bokoksuu
• Nyaata xiqqoma nyaatani quufu
• Hirqinfuu/Hirqifachiisuu

• Madaa’uu ykn luqqa’uu garaachaa
• Dhiiguu garaachaa: Dhiiguun kuni gara keessaatti dhiiguun akkasumas gariin namootaa dhiigallee haqqisuun hanga sadarkaa hir’ina dhiigaafi du’aattillee nama saaxiluu nidanda’a.
• Kaansarii garaachaa: dhibeen kun yeroo hedduu yoo namarra ture gara kaanserii garaachaattillee guddachuu danda’a. Kaasariin garaachaa kun baay’inaan namoota umuriin isaanii deemerratti kan mul’atudha.
• Dho’uu (tarsa’uu) garaachaa: namoota muraasa irrattin kan qunnamu dha

• Dhukkubichaaf baakteeriyaan sababa yoo ta’e ogeessi fayyaa qoricha baakteeriyicha dhabamsiisu( kan Triple therapy) jedhamu waan kennamuuf ogeessa fayyaa (Doktora) hasofsiisuun barbaachisaa dha.
• Namni qoricha gosa ‘NSAID’ fudhaachaa jiru qorichicha dhaabuu qaba.

Kana malee dabalataan mallatoolee dhukkuba garaachaa hir’isuuf ykn dhabamsiisuu qorichoonni kennamanis ni jiru. kunis:

• Qoricha asiidi humna dadhabsiisu (Antacids)
• Qoricha oomisha asiidii hir'isan(Proton pump inhibitors (PPI) or Histamin blocker) Kunneen sadan hamma asiidii garaacharra maddu xiqqeesuun ykn erga madde garaacha akka hin mine gochuun garaachi madaa’e akka fayyu gargaaru.

• Alkoolii hir'isuu ykn dhaabu.
• Tamboo xuuxuu irraa of qusachuu
• Buna garmalee baay’isanii dhuguu irraa of qusachuu.
• Nyaata cooma baay'isanii fayyadamuu irraa of qusachuu
• Dhugaati lallaafa fi nyaata mi’eessituun itti baay’ate irraa of qusachuu
• Cinqii yaadaa hir'isuu

Namoota dhibee garaachaatin rakkatan nyaata osoo hin baay’isiin xiqqeessanii amma amma nyaachuutu gorfama. Gosoota nyaataa armaan olitti dhorkaman malee haalaan yoo qophaa’e fayyadamuun rakkoo hin qabu. Nyaatoota fayyaa garaachaaf gorfaman keessaa muraasni:

• Kuduraa fi muduraa
• Qullubbii diimaa fi adii
• Timaatimii
• Baaqelaa
• Raafuu(spinach)
• Qurxummii
• Bishaan guyyati hanga litira 2 hanga 3 (kubayyee 6-8)
• Muuzii fi dammi garaacha madaa’e foyyeessu akka danda’an ragaaleen sayinsii tokko tokko ni eeru Dabalataanis sochii qaama guyyaatti daqiiqaa 30 torbaniti guyyaa 5niif hojjechuu