ኮሎስቶሚ

ኮሎስቶሚ በቀዶ ጥገና ወቅት የሚሠራ አንጀትን በሆድ ግድግዳ ቀዳዳ በማስወጣት የሚሰራ ህክምና ነው። ብዙውን ጊዜ የሚያስፈልገው አንጀት በትክክል እንዳይሰራ የሚያደርግ ህመም ሲኖር ነው። ለምሳሌ- የአንጀት ካንሰር፣ አንጀት ካይ የተፈጠረ ጉዳት(በእንስሳ መወጋት)፣ የአንጀት ቀዶ ህክምና ከተሰራ በኋላ አንጀትን ለማሳረፍ፣ የሰገራ ቁጥጥር ማጣት ሲኖር ወዘተ። ኮሎስቶሚ ሲኖር እንዴት መንከባከብ እንዳለብን ማወቅ ካላስፈላጊ አስከፊ ጉዳቶች ይጠብቃል።

በወጣው የአንጀት ክፍል ዙሪያ ያለውን ቆዳ መንከባከብ ይህም የሚሆነው፡

ትክክለኛ አፈሙዝ ያለው ኮሎስቶሚ በመጠቀም
የሰገራ ማስወገጃውን ከረጢት በየጊዜው በመቀየር
የሰገራ ማምለጥ እና በአካባቢ ያለውን ቆዳ መንካት ለመከላከል ከሚያስፈልገው ጊዜ በላይ አስሬ ፕላስቲኩን ከማንሳት መቆጠብ
በዙሪያ ያለውን ቆዳ በውሃ ማጽዳት

የሰገራ ማስወገጃ ከረጢት በየጊዜው መቀየር ይህም የሚደረገው፡

የሰገራ ማስወገጃ ከረጢቱ ከ1/3 እስከ 1/2 ያህል ሲሞላ እንጀትን እንዳይጎተት እና እንዳይፈስ መቀየር።
ሲቀይሩ ከመጸዳጃ ቤት ቅርብ በሆነ ቦታ ሆነው ቢሆን ይመረጣል
የከረጢቱን ታች ወደ ላይ ያዙት እና ክሊፑን ከከረጢቱ ጫፍ ላይ ይክፈቱት።
ሽንት ቤት ውስጥ ሰገራውን መድፋት
የከረጢቱን ውስጥ በደንብ ማጽዳት

ከረጢቱን መች እንቀይር የሚለው እንደ አይነቱ የሚለያይ ቢሆንም እንኳን በአብዛኛው በየ3 ቀን የሚቀየሩ አይነቶች በገበያ ላይ ይገኛሉ።
ከረጢቱን ለመቀየር ካሰቡ በብዛት በጠዋት ከምግብ በፊት ቢደረግ ይመከራል
ሙቀት እና ማላብ ሲኖር ከረጢቱ በቀላሉ ከአንጀት ላይ ስለሚላቀቅ ቶሎ ቶሎ መቀየር ሊኖርብን ይችላል።
ገላዎን በሚታጠቡ ጊዜ የኮሎስቶሚውን አካባቢ በውሃ ብቻ ማጥብ ይገባል። አካባቢው ያለውን ቦታ በሳሙና መታጠብ ከረጢቱ እንዲላላ እና ሰገራ ወደአካባቢው እንዲፈስ ሊያደርግ ይችላል።
ኮሎስቶሚ ሲጻዳ አንዳንዴ የደም ጠብታ ሊኖር ይችላል። ይህ የሚያሳስብ እይደለም ነገር ግን የበዛ የደም መፍሰስ ካለ ወደ ሃኪሞ ቶሎ መምጣት አለቦት።
በፈስ መብዛት መቸገር አብሶ መጀመሪያ አካባቢ ሊኖር ይችላል ይህን ለመከላከል በተመሳሳይ ሰአት እነስ ያለ የምግብ መጠን በቀን ከ4-5 ጊዜ መብላት ይረዳል
የሽታ ችግር ካጋጠሞት ከረጢቱ በደንብ መዘጋቱን ማጣራት ይኖርቦታል በተጨማሪ ቶሎ ቶሎ ከረጢቱን ማጽዳት፣ እንደ እንቁላል፣ ጥቅል ጎመን፣ አይብ ያሉ ምግቦችን መቀነስ ይረዳል።

ምንድነው

አስከፊ ውጤቶች

ኮሎስቶሚን መንከባከብ

አስደንጋጭ ምልክቶች