የጽንስ መጨናገፍ(ውርጃ)

የጽንስ መጨናገፍ ጽንሱ በድንገት ከ28ኛው የእርግዝና ሳምንት በፊት መቋርጥ ነው። ከ10-20% እርግዝናዎች ድንገት ይቋረጣሉ። ብዙ ጊዜ እርግዝና የሚጨናገፈው በጣም በጊዜ ነው ይህም እናቲቱ እርጉዝ መሆኗን እንኳን ሳታውቅ ሊሆን ይችላል። የእርግዝና መጨናገፍ ብዙ ሴቶችን ሊያጋጥም ቢችልም እንኳን ለሁሉም ሴት በጣም ከባድ የሆነ እና ከፍተኛ የአእምሮ ጫና የሚያደርስ ክፉ አጋጣሚ ነው።

• የዘረመል ችግር ፡ ይህ የሚፈጠረው የጽንሱ ዘረመል ላይ ያልተለመደ አይነት ለውጥ ሲኖር ነው። በመሆኑም ይህ ነው የሚባል መከላከያ መንገድ የሌለው አስከፊ የተፈጥሮ ዱብ እዳ ነው።
• የእናቲቱ የጤና ችግር ፡ የተለያዩ የእናቲቱ የጤና ችግሮች ለጽንስ መቋረጥ አስተዋጾ ያደርጋሉ ምሳሌ- ኢንፈኢክሽን፣ የልብ ህመም፣ ለቁጥጥር ከባድ የሆነ የስኳር በሽታ እንቅርት፣ የማህጸን የአፈጣጠር ችግር ወዘተ።

• እድሜ ፡ እድሜ ሲጨምር የጽንስ መጨናገፍ እድል ከፍ ይላል። በተለይ ከ35 ዓመት በላይ የሚፈጠር እርግዝና 20% የመጨናገፍ እድል አለው።
• ከዚህ ቀደም የነበረ መጨናገፍ ካለ
• ትንባሆ ማጨስ
• አልኮል መጠጣት
• ከመጠን ያነሰም ሆነ የበለጠ ክብደት ለጽንስ መጨናገፍ ያጋልጣል

• ከማህጸን የሚፈስ ደም
• ከማህጸን የሚወጣ የጓጎለ ደም
• ከፍተኛ የሆድ ቁርጠት(በተለይ ከእንብርት በታች አካባቢ የሚሰማ ህመም)
• የጀርባ ህመም
• ልብ ቶሎ ቶሎ መምታት

• የጽንሱ ሙሉ በሙሉ ከማህጸን ያለመውጣት
• ከላይ ያለውን ተከትሎ የሚመጣ ኢንፌክሽን
• ከመጠን በላይ ደም መፍሰስ እና ለመድማት መጋለጥ
• የስነ-ልቦና ጉዳት

የጽንስ መጨናገፍ እድልን መቀነስ ይቻላል

• ይህም በዋነኝነት እርግዝናው በታወቀበት ጊዜ ወዲያው ክትትል በመጀመር እና አስፈላጊ ምርመራዎችን እና ጠቃሚ መድሃኒቶችን በመውሰድ ይደረጋል
• እርግዝና ካቀዱ ቅድመ ምርመራ ማድረግ
• አልኮል እና ትንባሆን ከመጠቀም መቆጠብ
• የተደጋገመ የጽንስ መጨናገፍ ካለ ወደ ሃኪም በመሄድ መንስኤው እንዲጣራ ማድረግ እና የመሳሰሉትን በመተግበር ይፈጸማል።

• የደም ምርመራ
• የአልትራሳውንድ ምርመራ
• የደም መርጋት ማጣሪያ ምርመራ እንድ ሃኪሞ ተወስኖ ሊጨመር ይችላል

የጽንሱ ሙሉ በሙሉ መቋረጥ በአልትራሳውንድ ከተጣራ በኋላ፤ በማህጸን ውስጥ የቀረ ነገር ካለ ይጸዳል እንደ የጽንስ መቋረጫው ምክንያት ተጣርቶ ደግሞ ከቀጣይ እርግዝና በፊት የሚሰጡ መድሃኒቶች ካሉ በሃኪሞ ይወሰናል።